సిరిమల్లె గుబురంట సీతమ్మ వాకింట

పూసింది నిలువెల్ల  పరుగెత్తే తొలిపంట

ఆకు రాల్చిందంటె అమ్మాయి శిల్పమే

చిగురు తొడిగిందంటే చెక్కిళ్ళ అందమే

చిగురు చిగురున మొగ్గ చిన్నారి కనురెప్ప

గాలి కదలికలన్నీ సరిగమల గమకాలు

సిరిమల్లె గుబురంట సీతమ్మ వాకింట

పూసింది నిలువెల్ల  పరుగెత్తే తొలిపంట

ఆకుల్లోమొగ్గలా అవి కన్నె కలలా

మొగ్గలవెనకాన ఆకుల చూపులా

కాదు కాద్దమ్మో అవి సిరిపూల తూపులు

అమ్మడి మనసున విరిసిన వలపులు

సిరిమల్లె గుబురంట సీతమ్మ వాకింట

పూసింది నిలువెల్ల  పరుగెత్తే తొలిపంట

రాత్రంతా ప్రవహించు తలపుల మధురిమలు

తెల్లారి నేలన వెదజల్లె కధల పూరెక్కలను

ఏరేటి సీతమ్మ మనసు పరచిందేమొ

వెన్నెల అలికిన వెలుగుల పున్నమిగ