నిన్న కలను కన్నానూ నీటి చెలమ నీ మనసున
తేట తేనె ఊటలలో పరుగులిడే పాట ననీ 
ఏటవాలు వెన్నెలనై జాలువారి జాలువారి
నీ చెక్కిలి వాకిట నే పూసిన ఓ పున్నమినని
నిన్న ............

సుతి మెత్తని మరకతాల పానుపుపై
చినుకు చినుకుగా ఒక్కటొకటిగా
కురిసిన పున్నాగల తొలకరింపు జల్లులలో
నీ అందెల చిరు సవ్వడి సరిగమ నేననీ
నిన్న ...........

నులి వెచ్చని అలల పొంగు నురగలలో
నీ చిరునవ్వుల పారిజాత సుమ దళాలు
నింగి కొసల ముడి వేసిన రంగుల హరివిల్లు
నోట నును సిగ్గుల కలబోతల కల్కూజితాలు
నిన్న ............

పెదవికొసల వంపులో చిరు వలపుల చందనాలు
మేని హొయల సొంపులలో ఎన్నో మరి విన్నపాలు
నిన్న మొన్న కనువిప్పిన చిన్ని పాప చిరునవ్వులు
అన్నీ అన్నీ నా మనసున తలలెత్తిన మొలకలనీ

నిన్న ..........