ఓ గాలి తెర కదిలినా

ఓ గాలి తెర కదిలి ఎద వీణమీటెనేమో

అలవోక గిలిగింతకే గమకాలు కురుస్తోంది

మనసు పులకింతలే మాటమౌక్తికాలవుతూ

పాట పూదోట పరవశాలను జల్లుతోంది "ఓ గాలితెర"

పలుకు తేనియలన్ని తొణికిపోయేనేమొ ’

సెలయేటి తుళ్లింత కళ్ళు విప్పిందేమో

గలగలా పారేటి ఏటి సొబగులు కూర్చి

పాట జలపాతమై పరుగు తీసింది "ఓ గాలితెర"

మైమరచి మనసేమొ వలసబోయిన  వేళ

తలిరాకు టూయలల పవ్వళించిన కలలు

మబ్బు తొలిపిలుపుకే ఉలికి పాటున జూసి

పాట పన్నీరులనూ జలాజలా కురిసేను

ఓ గాలి తెర కదిలి ఎద వీణమీటెనేమో

అలవోక గిలిగింతకే గమకాలు కురుస్తోంది