గురు పూజోత్సవ మీనాడు

మన గురు పూజోత్సవ మీనాడు

పిల్లలు పాపలు లేవండీ పరుగు పరుగునా రారండీ

పట్టెడు మల్లెలు గుప్పెడు జాజులు పాద పూజకై ’తే తెండి

గురు బ్రహ్మః గురు విష్ణుః  తస్మై శ్రీ గురవే నమహ

పలకా బలపం చేతికి ఇచ్చి పటిక బెల్లపు పలుకులు నేర్పి

ఆకాశానికి నిచ్చెనలేసే ఊహా శక్తికి రెక్కలు తొడిగిన

గురుర్దేవో మహేశ్వరః గురు స్సాక్షాత్ పరబ్రహ్మః తస్మై శ్రీ గురవే నమహ

తెలుగైనా తెలియని భాషేదైనా తెలివైనా తెలియని మైమరపైనా

తేటతెల్లముగ తెలియజెప్పుచు వీపుతట్టి ముందుకు పదపదపదమంటూ

దారిచూపే మర్గదర్శికి ఎల్లలెరుగని ప్రేమ మూర్తికి

మనసా స్మరామి మనసా నమామి మనసా వాచా ప్రణమామ్యహా

 తుది గమ్యం  ఏదైనా చిరుమలుపులు ఎన్నున్నా

మానవతకు పెద్దపీట మనుగడకే తొలిపునాది

తొలిపలుకును దిద్దించే చేతినెపుడు మరవమనే

మనస్సాక్షి సాక్షంగా వెలుగులయే గురుదేవులకే శిరసువంచి పలికే

మనసా స్మరామి మనసా నమామి మనసా వాచా ప్రణమామ్యహా