ఆనందపు సంబరాల రెపరెపలతో
అంబరాన ఎగరేసిన మువ్వన్నెల పతాకం
నా దేశం ఇది ముజ్జగాల తోరణం ముచ్చటైన ఆభరణం
మూడు కళల ప్రతిరూపం ముప్పేటల మణి హారం

అనురాగ పుటాలయం
అదిగో సతత హరిత సముదాయం
అది నా దేశం
పవిత్ర బాసల ప్రతిరూపం
అదిగో శ్వేత వర్ణ సరాగం
అది నా దేశం
త్యాగశీల కధల పుటల సమ్మిశ్రం
అదిగో కాషాయపు అధికరణం
 అది నా దేశం

వందే మాతర గీతం పాడుతున్న ప్రజల గళం
అది నా దేశం
ఇందువదన భరత మాత కనువెలుగుల కమనీయం
అదినా దేశం
దీక్షానిరతికి ప్రతిరూపం ఈ స్వేచ్చా శ్వేతకపోతం
అదినా దేశం
అణువణువున పొంగారే సజల నయన నయగారం
అది నా దేశం

ఆ పక్కన సూర్యుడూ ఈ పక్కన చంద్రుడూ
నింగికొప్పు చీకటిలో మిలమిలల తారలూ
నిలిచుండే క్షణం వరకు
ప్రతిగుండే ప్రతిగొంతూ ప్రతి మనసూ ఒక్కటిగా
దిశదిశలా వెల్లువయే చరణంలా పలికే
అధినాయక దేశం
అది నా దేశం